Klyster nijsbrief nr. 07
Bêste nijsbrieflezer,
Yn dizze nijsbrief omtinken foar:
- Neijiersaktiviteiten fan start
- Yntergemeentlik NME-Sintrum
- Team
- Foarútsjen
In protte lêswille!
Aktiviteitenboekje + poster Hjerst-Winter
It boekje en de poster mei aktiviteiten foar it 2e semester fan De Klyster binne troch ús frijwilliger Pieter Reitsma yn de earste skoalwike by alle skoallen brocht.
Foar elke dosint is der in boekje en de grutte poster kin ophongen wurde op in sintraal plak yn de skoalle. Opjaan kin fia de webside.
Us Klysterteam is der klear foar om jimme wer in top ûnderfining te bieden yn’e natuer yn ús moaie regio.
yn ‘e parse, Bianca en Jan 10 jier frijwilliger
10 – jierrich jubileum Klystergidsen Bianca van Tielen en Jan Rietberg
Bianca van Tielen en Jan Rietberg binne yn it sintsje set, fanwege harren 10 – jierrich jubileum as frijwilliger by De Klyster. Hja krigen by it ôfslutende personielsútsje wurden fan tank en it sulveren klysterspjeldsje opspjelde.
Lês it ferhaal fan Bianca en Jan yn ûndersteand parseberjocht.
Klyster nijsbrief nr. 06
Beste nijsbrieflêzer,
Yn dizze nijsbrief omtinken foar:
- GFT, wat dochst dermei?
- Oanbod Hjerst – Winter
- Gean tûk om mei de sinne
- Klimaatprojekt sukses
- Betty wint Johan de Jongbeam
- Subsydzje edukaasje Stinzen
- Kickof Sûn en Lekker ite
- IVN lespakket Berneboekewike
- Stikelbaarch dochblêd
In protte lêswille!
Klik hier om de nieuwsbrief te lezen
yn ‘e parse, ôftraap greidefûgelprojekt
OFTRAAP GREIDEFUGELPROJEKT BASISONDERWIIS YN DOKKUM
Dokkum, 25 juny 2025 – Woansdei is in nij provinsjaal edukaasjeprojekt oer greidefûgels fan start gien. It projekt mei de namme ‘Greidefûgel-fan-‘e-Wike’ is ôftrape op twa basisskoallen yn Dokkum. Learlingen fan groep 7/8 fan CBS De Hoeksteen en fan groep 5 o/m 8 fan Gereformeerde Streekschool De Schakel hiene de eare om as earsten mei it projekt oan ‘e slach te gean.
De fokus fan it greidefûgelprojekt leit op de fjouwer karakteristike Nederlânske greidefûgels: de ljip, skries, strânljip en tsjirk. De oanlieding fan it edukaasjeprojekt is de alarmearjende delgong fan de greidefûgelstân yn Nederlân. Mei dit projekt wol inisjatyfnimmer natuer – en miljeuedukaasje sintrum De Klyster, mei partners provinsje Fryslân, IVN en DikGroen, bern op in boartlike en learsume wize belûke by de beskerming fan ús natuer. “Als je natuur wilt beschermen, moet je er eerst een band mee opbouwen,” sizze de inisjatyfnimmers.
Kabouterpaad fernijd
It Kabouterpaad is fernijd! Alana (yn’e midden) hat de âlde opdrachten yn in nij jaske stutsen en in tal nije opdrachten betocht. Us Klystergidsen Betty en Tineke (links & rjochts) stiene dit semester wer klear om de groepen 1 o/m 4 te ferwolkomjen.
Mei in kaboutermûtse op gean de learlingen op’en paad. By elke kabouter dy’t se tsjinkomme dogge de learlingen in aardige (nije) natueroerdracht. Alle sintugen wurde ynskeakele en se bewege hearlik yn’e bûtenloft.
yn ‘e parse, ôfskied wethâlder Wiersma
Freed 20 juny 2025 naam Gerben Wiersma ôfskied as wethâlder fan de gemeente Dantumadiel.
Gerben Wiersma hat ‘m yn syn karriêre fan goed 11 jier altyd fol ynset foar De Klyster. Wiersma fûn it hiel wichtich dat jongeren belutsen waarden by de natuer yn harren eigen leefomjouwing. Hy kaam dan ek geregeld op besite by in natuerekskurzje en liet altyd oprjochte ynteresse sjen. Ek plante er mei de Boomfeestdagen mannich beamke mei basisskoallebern.
Twa kear yn it jier fûn by De Klyster in wethâlderoerlis plak oer it gemeentlike belied op it mêd fan natuer – en miljeuedukaasje. Dizze gearkomsten wiene altyd posityf en konstruktyf.
Marjolein Staal fan De Klyster en wethâlder Hanneke Jouta namen freed ôfskied fan Gerben en betanken him tige foar de noflike gearwurking en alle ynspanning foar De Klyster.
Op ‘e foto fan links nei rjochts: Hanneke Jouta, Gerben Wiersma, Marjolein Staal. Foto Koos Scherjon
yn ‘e parse
Zeist, 19 juny 2025 – Ferline wike tongersdei is klyster Marjolein Staal foar fjouwer jier beneamd as lid fan de Ledenraad van Vogelbescherming Nederland. Marjolein fynt it in hiele eare dat se keazen is. De Fûgelbeskerming bestiet al mear as 125 jier en docht fantastysk wurk foar fûgels, ek ynternasjonaal fia Bird Life.
“Fûgels meitsje my bliid en ik genietsje fan fûgels yn myn achtertún en as ik op paad bin. Dit gun ik elkenien. Graach draach ik myn stientsje by en set ik myn ekspertize en jierrenlange ûnderfining op it mêd fan (natuer)edukaasje yn. En fierder fyn ik it wichtich dat ek it Noarden fertsjintwurdige wurdt yn de Ledenraad. Fûgels ha ús in soad te fertellen. As we net goed harkje, misse we net allinnich de sinjalen oer hoe’t sy derfoar steane, mar ek dy fan ús eigen leefomjouwing.”
Kickoff Sûn en Lekker ite
Op 11 juny is by de Bonifatiuskapel yn Dokkum in nij projekt start: Sûn en Lekker ite. Dit projekt wol bern alle dagen in sûne lunch jaan. It doel is om mei-inoar te wurkjen oan sûn en lekker iten. Net allinnich op skoalle, mar ek thús en yn ‘e buert.
Woansdeitemiddei wie de start fan it projekt. Elkenien mei ynteresse yn opfieding, ûnderwiis of sûnens wie wolkom by de feestlike iepening. Ut namme fan De Klyster wie Marjolein Staal oanwêzich. De Klyster hat in Grien – Sûn – Duorsum Noardeast Fryslân as útgongspunt.
Lês hier foar berjocht yn ‘e parse.
Netwurkgearkomste Beamfeestdei
NME De Klyster naam op 11 juny diel oan de netwurkgearkomste fan Stichting Nationale Boomfeestdag op it prachtige Kastiel Groeneveld yn Baarn. Op dizze middei waarden we meinaam yn boeiende lêzingen, bygelyks oer de rol fan natuer foar de sûnens fan bern troch Jolanda Maas (VU). Barbara Rijpkema (Steatsboskbehear) gie yn op natueredukaasje yn it basisûnderwiis. Gera op den Kelder (Probos) gie yn op it belang fan klimaatbestindige beamsoarten.
De sfearfolle lokaasje bea dêrneist romte foar moeting en in moaie rûnlieding troch it kastielpark. Yn’e rin fan de dei waarden folop kennis en ûnderfining útwiksele. In weardefolle gearkomste dêr’t klysterprojektmeiwurker Yvonne de Beer mei nocht op weromsjocht!