Op freed 9 oktober hat de Duorsume Foarlêsdei wer plakfûn, op fiif basisskoallen yn de gemeenten Dantumadiel en Noardeast-Fryslân. Wethâlders liezen de learlingen foar út it Fryske berneboek ‘De Oprommasine’ fan skriuwster Lida Dijkstra.

Dit jier draaide de foarlêsdei om plestikfersmoarging en masines dy’t helpe kinne om plestik ôffal op te romjen. Neist it harkjen nei it ferhaal giene de bern oan de slach mei learsume aktiviteiten oer ôffal en duorsumens. Ek wie der romte om fragen te stellen oer de gefolgen fan plestik yn de natuer.

Yn Damwâld lies wethâlder Tom Bakker tegearre mei skriuwster Lida Dijkstra foar op de Dr. J. Botkeskoalle. Op CBS De Sprankeling namen wethâlders Kempenaar en Heringa it foarlêzen foar harren rekken. Yn Noardeast-Fryslân lies wethâlder Braaksma foar op de Wrâldwizer yn Easternijtsjerk en wethâlder Bos-Jonkmans op CBS De Tarissing yn Aldwâld.

De Duorsume Foarlêsdei wurdt alle jierren hâlden yn de Berneboekewike. Mei de aktiviteit wolle de gemeenten bern op in tagonklike wize yn ‘e kunde komme litte mei duorsumens en tagelyk it (foar)lêzen stimulearje. Dêrby krijt ek de Fryske taal omtinken, omdat it ferhaal alle jierren yn it Frysk foarlêzen wurdt.

Sjoch ek: Wethouders lezen Friese verhalen voor tijdens Duorsume Foarlêsdei – RTV NOF nieuws uit Dokkum, Damwâld, Burgum, Buitenpost, Surhuisterveen

Bêste nijsbrieflêzer,

Yn dizze nijsbrief omtinken foar:

• Neijiersoanbod
• Nij projekt: wjirmeaventoer
• IVN Klassenkalinder
• IVN Lespakket Gouden wiken kleurje grien
• Lien ris in leskist – fergees
• Foarstelling Troep – fergees
• Start projekt Noardlike Fryske Wâlden
• Yn memoriam klystergids Sieberen Postema
• Dochblêd Fearren

In protte lêswille!

 

Klik hier om de nieuwsbrief te lezen

Bijlage: Dochblêd Fearren

 

Dizze wike berikte ús it drôve berjocht dat âld-frijwilliger fan De Klyster Sieberen Postema op tiisdei 21 july op 78-jierrige leeftyd hommels ferstoarn is. Sieberen Postema wie fan 2008 ôf oant en mei 2022 frijwillige natuergids by De Klyster.

Hikke en tein yn de Wâlden op’ e Tike, boarte Sieberen as bern altiten bûtendoar en sa ûntstie in sterke bân mei de natuer. En dat bleau, want hy wie noch altiten regelmjittich te finen by de Leijen, fierrekiker om ‘e nekke.

Sieberen hâlde fan de natuer, fan it fiskjen, d’r op út mei it boatsje, fûgels sjen, en hy mocht der hiel graach oer fertelle, benammen oan bern, want it oerbringe fan leafde foar de natuer fûn er tige wichtich. Hy hat dêrom destiids de natuergidsenoplieding fan it IVN folge en is sadwaande yn 2008 by NME-sintrum De Klyster kaam as frijwillige natuergids.

Sieberen hat sa’n 3.000 bern kennismeitsje litten mei de natoer yn noardeast Fryslân. Hij wurke mei oan û.o. de projekten: Noardlike Fryske Wâlden, takomst foar in unyk lânskip, Waadstrúne,  Swalkkuier troch it Houtwiel en Op Avontoer by de Boer.

Troch syn grutte postuer en waarme swiere stim makke Sieberen yndruk, mar de measte yndruk makke hy wol as hy it ikoanyske doaske út de bûse wei helle. Tidens de ekskurzjes oan bern fan de boppebou tovere hy steefêst dat doaske mei nijsgjirrige natuerskatten foar it ljocht mei û.o. in hazzepoatsje, in kowetosk, in fûgelpoatsje en by eltse skat fertelde Sieberen in sterk ferhaal en dat makke syn ekskurzjes foar bern, mar ek foar learkrêften en âlders, ta in ûnferjitlike natuerbelibbing.

Sieberen wie in smoute prater en dat wie der ek tidens de teamútjes fan De Klyster. Hy naam faak efkes it wurd en dan waard der hiel wat ôflake om de sterke ferhalen fan dizze Wâldpyk, mei in hert fan goud en op it goede plak.

Sieberen Postema hat in soad betekene foar De Klyster op it mêd fan edukaasje, en ek foar it Fryske Gea, wêr ’t hy ek frijwilliger wie en him dwaande hâlde mei natuerbeskerming troch it tellen fan fûgels.

Sieberen, natuerminsk en sympatike kollegagids, do stiest yn ús ûnthâld gravearre en wy tinke mei in soad respekt en in glim om ‘e mûle oan dy werom.

Ut namme fan it klysterteam winskje wy de neisten en syn frou Lammie, in soad sterkte ta mei it ferwurkjen fan dit grutte ferlies.

 

Yn de parse by RTV-NOF ferskynde it folgjende berjocht.

Oud-natuurgids De Klyster Sieberen Postema overleden – RTV NOF Nieuws

 

 

Bêste nijsbrieflêzer,

Yn dizze nijsbrief omtinken foar:

• NME-oanbod nei de fakânsje
• Nije frijwilligers, even foarstelle
• Subsydzje: Frysk foar no en letter
• Save the date, 30-jierrich jubileum Klyster
• Dochblêd koweblomkes

In protte lêswille!

Klik hier om de nieuwsbrief te lezen

Bijlage: Doeblad juni madeliefjes

 

Bêste nijsbrieflêzer,

Yn dizze nijsbrief omtinken foar:

• Winner Johan de Jong-beam
• Digiles Energie
• 30-jier Klyster
• Ekskurzjeseizoen losbarsten
• ‘Weren, Kleren, Smeren’ 
• Jierferslach fêststeld
• TINK DEROM: 8 juny website iepen
• Workshop bewege
• 25-jierrich jubileum Marjolein
• Dochblêd Gers

In protte lêswille!

Klik hier om de nieuwsbrief te lezen

Bijlage: Doeblad Maaie Gers