Op 10 en 11 septimber wie wer de jierlikse twadaagse fan it lanlike GDO-netwurk. Marjolein Staal represintearre De Klyster. Sy die mei oan it panel mei as ûnderwerp brêgen bouwe tusken Natuer en Kultuer. De Klyster hat in soad ûnderfining mei it ferbinen fan kultuer en natuer.
Alwer foar de 10de kear kamen wy byinoar mei hast 70 besiele direkteuren fan sintra foar Natuer – en Duorsumheidsedukaasje en NDE-amtners. Wy praten ûnderoaren oer de ûntwikkelings oangeande de duorsume skoalle en de stipe fan it ûnderwiis, en oer brêgen bouwe tusken natuer – en kultueredukaasje. Lykas alle jierren is der ek in hiel soad kennis en ûnderfining dield.
Wethâlder Jacqueline van Dongen, ús foarsitter, iepene de twadaagse. Theo Leupen fan DuurzaamDoor en Giuseppe van der Helm fan Coöperatie Leren voor Morgen joegen harren lanlike blik op duorsum ûnderwiis en de krêftige rol fan de NDE-sintra hjiryn: ‘Duorsumens is net wat derby komt; it is de kearn fan it ûnderwiis ‘
Gastorganisaasje wie Kunstwerk yn ‘e gemeente Zevenaar. Hja lieten sjen dat de ferskate edukaasjes – natuer, kultuer en erfgoed – foar skoallen hiel goed mei-inoar ferfrissele wurde kinne en dat hja inoar fersterkje. Om dat te ûnderfinen, waarden wy traktearre op in rûnlieding oer bûtenpleats Sevenaer en op in fragmint fan de jeugdopera Benno en de wûndere wrâld fan de boaiemdieren fan Pier21; in perfekte gearraning fan natuer en kultuer. De Klyster hie opera Benno yn 2023 ek yn har NME-programma doe.
It wie in ynspirearjende gearkomste, wêryn’t benammen ferankering fan Duorsumens yn ‘e fyzje fan ‘e skoalle, boargerskip, de regio as klaslokaal en de gearwurking tusken ferskate edukaasjes, aktuele ûnderwerpen wiene.
